တစ်နေ့သောနေ့လည်ခင်း၊ ကော်ဖီဆိုင်တစ်ခုတွင် ကျွန်တော့်ကပ်လျက်စားပွဲမှ လမ်းလျှောက်တတ်ခါစ ကလေးငယ်တစ်ဦးနှင့် သူမ၏မိဘများကို သတိထားမိ သည်။ မိဘများက သူတို့၏သူငယ်ချင်းများနှင့် စကားပြောနေစဉ်၊ ခိုတစ်ကောင်သည် ကြမ်းပြင်မှပေါင်မုန့်အပိုင်းစများကို စတင်ကိုက်နေသည်။ ထိုမြင်ကွင်းကို အံ့သြမှ အပြည့်ဖြင့် ကလေးမလေးက ဝမ်းသာအားရအော်ဟစ်ပြီး လူကြီးများ၏ အာရုံစိုက်မှုကိုရရှိရန် ကြိုးစားခဲ့သည်။ သို့သော် သူမမြင်သည့်အရာကို သူတို့လုံးဝမမြင်ဘဲ၊ သူမကို ပြုံးပြပြီး စကားသာဆက်ပြောခဲ့ကြသည်။
သခင်ယေရှုသည် တပည့်တော်များအား သာသနာပြုလုပ်ငန်းအတွက်စေလွှတ်ခဲ့ရာ၊ အလွန်အောင်မြင်ခဲ့သောကြောင့် (လု ၁၀:၁၇)၊ “ကိုယ်တော်သည် ပညာအလိမ္မာနှင့် ပြည့်စုံသောသူတို့အား ဤအရာများကို ထိမ်ဝှက်ကွယ်ထားလျက် သူငယ်တို့အား ဘော်ပြတော်မူသည်ဖြစ်၍” (:၂၁)၊ “အဘကို အကျွန်ုပ်ချီးမွမ်းပါ၏”ဟု သခင်ယေရှု ဆုတောင်းခဲ့သည်။ ဤနေရာတွင် “သူငယ်” ဆိုသည်မှာ အသက်အရွယ်ကိုမဆိုဘဲ အဆင့်အတန်းကို ရည်ညွှန်းခြင်းဖြစ်သည်။ “ဖာရိရှဲနှင့် ကျမ်းတတ်တို့”သည် ဧဝံဂေလိတရားကို လျစ်လျူရှုကြချိန်တွင်(၇:၂၉-၃၄)၊ “အခွန်ခံသူမှစ၍ လူအပေါင်း”တို့သည် နှိမ့်ချစွာဖြင့် ဧဝံဂေလိတရားကို…
လန်ဒန်မြို့တွင် ကျင်းပသောပါတီပွဲတစ်ခု၌ အဖေနှင့်အမေတို့ ပထမဆုံး အကြည့်ချင်း ဆုံခဲ့သည်။ ထို့နောက် အမေနှင့်တွေ့ရရန် အဖေသည် ဖိတ်ကြားမခံရဘဲနှင့် ဒုတိယအကြိမ်ပါတီပွဲသို့သွားခဲ့သည်။ တတိယအကြိမ်တွင်မူ သူက ပါတီပွဲကိုစီစဉ်ခဲ့သည်။ နောက်ဆုံးတွင် အမေ့ကို ကျေးလက်ဒေသသို့ လည်ပတ်ရန် ဖိတ်ခေါ်ကာ၊ သူတန်ဖိုးထားမြတ်နိုးသည့် ရိုဗာဆီဒင်ကားဟောင်းဖြင့် သူမအား သွားကြိုခဲ့သည်။
အဖေနှင့်အမေသည် ချစ်သူများဖြစ်ခဲ့ကြသော်လည်း ပြဿနာမှာ အမေသည် သာသနာပြုရန် ပီရူးနိုင်ငံသို့ ပြောင်းရွှေ့တော့မည်ဖြစ်သည်။ အဖေသည် သူမကို လေဆိပ်သို့ လိုက်ပို့ပေးပြီး၊ နောက် ၅ လအကြာတွင် သူကိုယ်တိုင် ပီရူးနိုင်ငံသို့ လိုက်သွားပြီး အမေ့အား လက်ထပ်ခွင့်တောင်းခဲ့သည်။ ဇာတ်လမ်း၏ အကောင်းဆုံး အပိုင်းမှာ လေယာဉ်လက်မှတ်ဝယ်ရန် အဖေသည် သူအလွန်မြတ်နိုးသော ရိုဗာကားကို ရောင်းလိုက်ရသည်။
မာသနှင့် လာဇရုတို့၏ညီမ မာရိ၏တန်ဖိုးအထားဆုံးအရာကို မေးခဲ့လျှင်၊ “အဘိုးများစွာထိုက်သောနာဒုဆီမွှေး”ဖြစ်ကြောင်း သူမပြသလိမ့်မည် (ယော ၁၂ :၃)။ သခင်ယေရှုအတွက်…
ဂန္တဝင်ရုပ်ရှင် Citizen Kane တွင်၊ ချားလ်စ်ဖော့စတာကိန်း(Charles Foster Kane) သည် အင်အားကြီးသော သတင်းစာလုပ်ငန်းကို တည်ဆောက်ခြင်းဖြင့် ချမ်းသာကြွယ်ဝမှုနှင့် အာဏာကို စုဆောင်းခဲ့သည်။ ကိန်းသည် အနုပညာလက်ရာများအပြည့်ဖြင့် လှပခမ်းနားသောဥယျာဉ်များပါရှိသည့် ရဲတိုက်တစ်ခု တည်ဆောက်လျက် မိမိစိတ်ရွှင်လန်းစရာ တစ်စုံတစ်ခုကိုမျှ မပယ်ခြင်းက ဒေသနာကျမ်း ၂:၄-၁၁ မှ ပုံပြင်ကို ပြန်အမှတ်ရစေသည်။
အခြားသူဌေးကြီးများကဲ့သို့ပင် ကိန်းအမှန်တကယ်လိုချင်သောအရာမှာ ချီးမြှောက်ခြင်းပင်ဖြစ်သည်။ သူ့ကိုယ်ပိုင် နိုင်ငံရေးလမ်းကြောင်းအတွက် ငွေကြေး စိုက်ထုတ်ရင်းနှီးခဲ့ပြီး၊ မအောင်မြင်သောအခါ ကဲ့ရဲ့မခံရအောင် မဲဆန္ဒရှင်များ၏ “လိမ်လည်မှု”ဟု အပြစ်တင်သည်။ သူ့ဇနီးသည်အတွက် အော်ပရာ ဇာတ်ရုံ ဆောက်ပေးပြီး၊ သူမနှင့် မကိုက်ညီသော အဆိုတော်အလုပ်ကို အတင်းအကြပ်လုပ်စေကာ သူ့အပေါ် လူထုမှအကောင်းမြင်ရန် ပြုလုပ်ခဲ့သည်။ ဒေသနာကျမ်းမှ ချမ်းသာကြွယ်ဝမှုနောက်လိုက်သူတို့အား ထိုကြွယ်ဝမှုက ဘေးဒုက္ခ ရောက်စေပြီး(၅:၁၀-၁၅)၊ သူတို့၏နေ့ရက်ကာလကို “မှောင်မိုက်၌ လွန်စေ(လျက်)၊ များစွာသော နှောင့်ယှက်ခြင်း၊…
ရစ်ချက်ဂရစ်ဖင်(Richard Griffin)သည် ဒုတိယမြောက် ဘုရင်မကြီးအဲလိဇဘက် (Queen Elizabeth II)၏ ကိုယ်ရေးရဲအရာရှိအဖြစ် (၁၄)နှစ်တာမျှ ထမ်းဆောင်ခဲ့သည်။ တစ်နေ့တွင် ဘာမိုရာ(Balmoral)ရဲတိုက်အနီးရှိ တောင်ကုန်းပေါ်သို့ ပျော်ပွဲစားထွက်သည့် ဘုရင်မကြီးအား အဖော်ပြုလိုက်ပါပေးစဥ် အမေရိကန်နိုင်ငံသား ခြေလျင်ခရီးသွားနှစ်ဦးနှင့် တွေ့ဆုံခဲ့ကြသည်။ ထိုသူနှစ်ဦးက သာမန်အရပ်သားဝတ်စုံဝတ်ဆင်ထားသော သက်ဦးဆံပိုင်ဘုရင်မကြီးကို မသိဘဲ “ဘုရင်မကြီးကို တွေ့ဖူးသလား”ဟုမေးရာ၊ ဘုရင်မကြီးက အရွှန်းဖောက်လျက် “ကျွန်မတော့ မတွေ့ဘူးပါဘူး။ ဒါပေမယ့် ဟောဒီရစ်ချတ်ကတော့ သူမကို အမြဲတွေ့နေကြပါ”ဟု ပြန်ဖြေခဲ့သည်။ ထိုသူနှစ်ဦးမှာ မင်းဧကရာဇ်နှင့် နီးစပ်စွာ နေရသူတစ်ဦးကို တွေ့ရ၍ အလွန်စိတ်လှုပ်ရှားကာ၊ ဘုရင်မကြီးအား ကင်မရာပေးပြီး၊ ရစ်ချက်ဘေးတွင် ဟန်ပန်အပြည့်ဖြင့်ရပ်လျက် “ဓါတ်ပုံတစ်ပုံလောက်ရိုက်ပေးပါ”ဟု ဆိုလိုက်သည်။
ထိုသို့ အရေးကြီးပုဂ္ဂိုလ်တစ်ဦးကို ရှေ့မှာထားပြီး မသိခြင်းသည် ပထမဆုံး အကြိမ်မဟုတ်ပါ။ ယာကုပ်သည် ဗေသေလအရပ်တွင် အိပ်မက်ထဲ၌ ထာဝရဘုရားနှင့် တွေ့ဆုံပြီးနောက် “အိပ်ပျော်ရာမှ နိုးလျှင်၊ အကယ်စင်စစ် ထာဝရဘုရားသည်…
အရစ္စတိုတယ်(လ်) (Aristotle)က မည်သူမျှ ဘုရားနှင့် မိတ်ဆွေမဖြစ်နိုင်ဟု ဆိုပါသည်။ အဘယ့်ကြောင့်နည်း။ ပေါင်းဖော်မိတ်ဖွဲ့မှုအတွက်သာတူညီမျှမှုရှိရန် လိုအပ်ပြီး၊ နိမ့်ပါးသောလူသားများနှင့် တန်းတူဖြစ်ရန် အဘယ်ဘုရားက ၎င်းတို့၏ မြင့်မြတ်သောအဆင့်အတန်းမှ ဆင်းလာမည်နည်း။
နိမ့်ကျသောလူသားဖြစ်ရန် မြင့်မြတ်သော အဆင့်အတန်းမှ ဆင်းကြွလာသော အရာခပ်သိမ်းဖန်ဆင်းရှင် (ဖိ ၂:၆-၈၊ ကော ၁:၁၆) ယေရှုသည် နောက်ဆုံးညစာစားပွဲ၌ရှိနေပြီး၊ သူ၏ တပည့်တော်များအား ကျွန်ဟူ၍မခေါ်၊ အဆွေဟူ၍ခေါ်မည် (ယော ၁၅:၁၅)ဟု မိန့်မှာခြင်းကြောင့် အကယ်၍ အရစ္စတိုတယ်(လ်)သည် ထိုညစာ စားပွဲ၌ (မ ၂၆:၂၆-၃၅) ရှိနေမည်ဆိုလျှင် သူဘာလုပ်မည်ကို ကျွန်ုပ်သိချင်မိသည်။
အရစ္စတိုတယ်(လ်)သည် ထိုစားပွဲတွင် ထိုင်နေသူများကိုမြင်လျှင်လည်း အံ့အားသင့်သွားမည်ပင်။ ထိုနေရာတွင် ရောမလူတို့နှင့်ရင်းနှီးသော အခွန်ခံမဿဲ၊ ရောမတို့အား ရှုတ်ချသော မျိုးချစ်ဇေလုတ် ရှိမုန် (မ ၁၀:၃-၄)၊ မိုးကြိုးသား ယာကုပ်နှင့်ယောဟန် (မာ ၃:၁၇)၊ တည်ငြိမ်သော ဖိလိပ္ပုတို့…
“အရာရာ မှားယွင်းလျက် စိတ်ပျက်ဖွယ်များကြုံရသည့်အခါ ညဥ့်သန်းခေါင်၌ သင်မည်သူ့ကို ဖုန်းခေါ်နိုင်မည်နည်း”။ လွန်ခဲ့သောနှစ်များစွာက ဤမေးခွန်းကို ပထမဆုံးကြားခဲ့စဥ် ကျွန်တော်တုန်လှုပ်ခဲ့သည်။ မိမိဒုက္ခရောက်ချိန်တွင် မိတ်ဆွေတို့ကို အားကိုး၍ရသည်အထိ မိတ်ဆွေများနှင့်ကျွန်တော့်ကြားတွင်ဆက်ဆံရေး ခိုင်မာမှု မည်မျှရှိပါသနည်း။ ကျွန်တော် အသေအချာ မသိခဲ့ပါ။
ကျမ်းစာတွင် မိတ်ဆွေဖွဲ့ခြင်းအကြောင်း များစွာပြောထားပြီး၊ မိတ်ဆွေတစ်ဦးကို နှုတ်လုံသူ (သု ၁၁:၁၃၊ ၁၆:၂၈)၊ အကြံဉာဏ်များပေးသူ (၂၇:၉) နှင့် စည်းစောင့်သူ (၂၅:၁၇) အဖြစ် ဖော်ပြထားသည်။ သို့သော် ဆက်ဆံရင်းနှီးမှု၏ အဓိပ္ပာယ်ကို ဖွင့်ဆိုရာ၌ သခင်ယေရှုလောက် အနက်ဖွင့်ကောင်းသူ မရှိပါ။ ကြော်ငြာလုပ်ငန်းအတွက် ကျွန်ုပ်တို့သည် ဈေးကွက်၊ အလုပ်ရှင်အတွက် ကျွန်ုပ်တို့သည် ဝန်ထမ်းများ ဖြစ်သော်လည်း၊ အရာခပ်သိမ်းကို အုပ်စိုးရှင်အတွက်မူ ကျွန်ုပ်တို့သည် “မိတ်ဆွေများ”ဖြစ်သည်(ယော ၁၅:၁၅)။ သူ၏ဆက်ဆံရေးကို ဘုရားသခင်ကို ချစ်ခြင်းနှင့် သူ၏စွန့်လွှတ်အနစ်နာခံခြင်း၌ တည်ဆောက်သည်ဟု သခင်ယေရှုဖော်ပြခဲ့သည် (:၁၃၊၁၅)။…
San Fruttuoso (စံဖရူတူအောဇို)ဘာသာရေးကျောင်းဆောင်သည် အီတလီနိုင်ငံ၏ အနောက်မြောက်ဘက်ကမ်းရိုးတန်းရှိ ပင်လယ်ကွေ့တွင် တည်ရှိသည်။ ထိုနေရာသို့ လှေ (သို့) ခြေလျင်ဖြင့်သာ သွားလာနိုင်သည်။ သို့သော် ထိုပင်လယ်ကွေ့တွင် ရတနာများ ခိုအောင်းနေသည်။ ရေငုပ်သမားများ စွန့်စားပြီး ပေ ၅၀ ခန့် အောက်သို့ ဆင်းလိုက်လျှင် လူတစ်ယောက်၏ ပုံသဏ္ဌာန်ကို စတင်မြင်လာရမည်ဖြစ်သည်။ ထိုသူမှာ တွင်းနက်ကြီးအတွင်းမှ ခရစ်တော်ရုပ်တုဖြစ်သည်။ ၎င်းသည် ၁၉၅၄ ခုနှစ်တွင် တည်ဆောက်ခဲ့သည့် ကမ္ဘာ့ပထမဦးဆုံး ရုပ်တုဖြစ်ပြီး၊ ထိုနက်နဲသောအရပ်မှ ကောင်းကင်သို့လက်မြောက်ထားသော သခင်ယေရှုပုံကြေးရုပ်တုဖြစ်သည်။
နက်နဲသောအရာနှင့် သင်ကြုံဖူးကောင်းကြုံဖူးပါလိမ့်မည်။ ဆာလံ ၆၉:၂-၃ တွင် “နက်လှသောရွှံထဲမှာ ကျွံပါပြီ” “အော်ဟစ်၍ ပင်ပန်းပါပြီ” ဟုဆိုထားသည်။ ရန်သူများ၏လှောင်ပြောင်ကဲ့ရဲ့ခြင်းကိုခံရပြီး မိသားစုနှင့် ကင်းကွာနေသည့် (:၄၊ ၇-၁၂) ဆာလံဆရာမှာ အခြားသူများထံမှ သက်သာရာရှာမတွေ့ဘဲ (:၂၀)၊ ထိုဆင်းရဲခြင်း၏ဝါးမျိုမှုခံရပြီး၊ နက်နဲရာ၌ နှစ်မြှုပ်မှာကို…
အန်းနစ်ဟဲမင်းဝေး(Ernest Hemingway)၏ဝတ္ထုတိုများထဲမှ တစ်ခုတွင် ကွဲကွာ နေသော သားဖြစ်သူနှင့် ပြန်လည်ဆုံတွေ့လိုသော စပိန်လူမျိုးဖခင်တစ်ဦး အကြောင်းကို ရေးသားထားသည်။ ထိုဖခင်က နိုင်ငံပိုင်သတင်းစာတွင် “ပါကို၊အင်္ဂါနေ့ နေ့လည် မှာ မွန်တာနာ(Montana) ဟိုတယ်မှာ တွေ့ကြမယ်။ အဖေ အားလုံးကို ခွင့်လွှတ်တယ်” ဟူသော ကြော်ငြာကို ထည့်သွင်းလိုက်သည်။ ဖခင်ရောက်လာသောအခါ စောင့်နေသော လူအုပ်ကြီးကို တွေ့လိုက်သည်။ ၎င်းတို့၏ ဖခင်ထံမှ ခွင့်လွှတ်ခြင်းကို လိုလားနေသော ပါကိုအမည်နှင့် လူပေါင်း ၈၀၀ တို့သည် ထိုကြော်ငြာကို တွေ့ပြီး ရောက်ရှိလာကြခြင်းဖြစ်သည်။
၎င်းသည် ခွင့်လွှတ်ခြင်းကိုရယူလိုသည့် ကျွန်ုပ်တို့၏ပြင်းပြသောဆန္ဒကို ဖော်ပြသည့် စိတ်နှလုံးထိတွေ့စေသော ဇာတ်လမ်းတစ်ခုဖြစ်ပြီး၊ ယေရှုပြောခဲ့သည့်ပုံပြင်တစ်ပုဒ်ကိုလည်း သတိရမိသည်။ ထိုဇာတ်လမ်းထဲတွင် လူငယ်တစ်ယောက်သည် သူ့ဖခင်ကို ကျောခိုင်းထွက်သွားပြီး၊ “စိတ်ထင်တိုင်းကြဲ အသက်ရှင်လျက်” မကြာမီတွင် ဒုက္ခပြဿနာနှင့်ရင်ဆိုင်ရတော့သည် (လု ၁၅:၁၃-၁၄)။ သူသည် အသိတရား ရပြီး…
ပန်းချီဆရာ Degas (ဒေးဂက်စ်)သည် အမြင်လွှာရောဂါကို လွန်ခဲ့သော နှစ်ပေါင်း ၅၀ မှစတင် ခံစားခဲ့ရပြီး၊ မြေဖြူမျဉ်းများကို ပို၍အလွယ်တကူမြင်ရခြင်းကြောင့် သူသည် စုတ်တံဖြင့်ရေးဆွဲခြင်းမှ မြေဖြူနုအချောင်းဖြင့် ရေးဆွဲခြင်းသို့ ပြောင်းလဲ ရေးဆွဲခဲ့သည် ဖြစ်သည်။ Renoir (ရဲန်ဝါ)သည် အဆစ်အမြစ်ရောင်ရောဂါကြောင့် သူ၏လက်ချောင်းများမှာ ငှက်ခြေသည်းများ ကုတ်ထားသကဲ့သို့ ဖြစ်သွားပြီး၊ စုတ်တံကို တင်းကြပ်သောလက်ချောင်းများကြားတွင် ထားပြီး ပန်းချီဆွဲခဲ့ရသည်။ ခွဲစိတ်မှုတစ်ခုကြောင့် Matisse(မထိစ်)သည် မလှုပ်ရှားနိုင်ဖြစ်သွားသောအခါ သူသည် ကောလိပ်သို့ပြန်ခဲ့ပြီး သူသည် နံရံပေါ်ရှိ ကြီးမားသောစာရွက်တစ်ရွက် တွင် ရောင်စုံစက္ကူအပိုင်းအစများကို ကပ်ရန် လက်ထောက်များအား ညွှန်ကြားခဲ့သည်။ ဖြစ်ရပ်တစ်ခုစီ၏ နောက်ဆက်တွဲရလဒ်မှာ ဒေးဂက်စ်၏ Blue Dancers၊ ရဲန်ဝါ၏ Girls at the Piano၊ မထိစ်၏ The Sorrows of the King နှင့် အခြားဖန်တီးမှု…
ပဲ့ကျနေသောမီးဖိုချောင်နှင့် အိကျနေသောကြမ်းခင်းများကြောင့် ကျွန်ုပ်တို့၏ အိမ်ကို ပြုပြင်မွမ်းမံရန် လိုနေပါပြီ။ အပိုင်းအတော်များများကို ဖြိုဖျက်ပြီးနောက် ဆောက်လုပ်ရေးသမားများသည် အုတ်မြစ်အသစ်ကို စတင်တူးကြသည်။ ထို့နောက် စိတ်ဝင်စားစရာများ တွေ့လာရသည်။
ဆောက်လုပ်ရေးသမားများက မြေကြီးတူးဖော်နေစဥ် ပန်းကန်ပြားအပိုင်း အစများ၊ ၁၈၅၀ ခုနှစ် ဝန်းကျင်က ဆိုဒါပုလင်းများနှင့် မီးဖိုချောင်သုံးပစ္စည်းများ အမြောက်အများထွက်လာသည်။ ကျွန်ုပ်တို့အိမ်ကို အမှိုက်ပုံဟောင်းပေါ်၌ ဆောက် ခဲ့ခြင်းလား။ မသိနိုင်ပါ။ သို့သော် ရလဒ်အနေနှင့် အင်ဂျင်နီယာက ကျွန်ုပ်တို့၏ အုတ်မြစ်ကို ပိုနက်အောင်တူးရမည်။ မဟုတ်ပါက နံရံ၌ အက်ကြောင်း ပေါ်လာလိမ့်မည်ဟု ပြောပါသည်။
အခြေခံအုတ်မြစ်ကောင်းများသည် ခိုင်ခံ့သောအိမ်များအတွက်ဖြစ်ပါသည်။ ကျွန်ုပ်တို့အသက်တာအတွက်လည်း ထိုနည်းတူပင် ဖြစ်သည်။ ဣသရေလလူတို့ သည် ရန်သူတို့ကြောင့် တုန်လှုပ်သည့်အခါ သူတို့ခိုင်ခံ့ခြင်းရှိရန် ဟေရှာယ ဆုတောင်း ပေးခဲ့သည်(ဟေရှာ ၃၃:၂-၄)။ သို့သော် သတ္တိရှိခြင်း (သို့) လက်နက်ရှိခြင်းကြောင့် မဟုတ်ဘဲ ဘုရားသခင်အပေါ်၌…